Почина Едуард Кукан

Поранешниот словачки политичар и дипломат Едуард Кукан почина на 82-годишна возраст, соопшти денеска портпаролката на Универзитетот Комениус во Братислава, Ленка Милер, јавуваат словачките медиуми.

Во 1999 година, Кукан беше назначен за специјален пратеник на ОН за Косово. Од 2009 до 2019 година беше член на Европскиот парламент. Беше и министер за надворешни работи на Словачка во годините по паѓањето на авторитарниот режим на Владимир Мечијар. Имаше неподелено почитување за него во Источна Европа и големо уважување во институциите на Европската унија во Брисел.

Тој беше и еден од посредниците на ЕП во меѓупартискиот дијалог во Србија, а долги години беше во тројката европратеници кои бараа решение за политичката криза во Македонија.