Побарувачката за велосипеди „експлодира“ за време на пандемијата

Побарувачката за велосипеди буквално експлодираше за време на пандемијата. Во Европа, продажните бројки се дуплирани или тројно поголеми од претходната година, објави малопродажниот гигант „Декатлон“. Кина јавува за петкратно зголемување.

Производителите се соочија со потешкотии поради сложените синџири на снабдување, бидејќи повеќе од половина од одделните делови се увезуваат од Азија. Неколку компании ги откажаа летните одмори на своите вработени, пренесува СЕЕбиз.

Производителот КТМ годинава продаде повеќе од 260.000 велосипеди, од кои 80 проценти се во Австрија и Германија, пренесува виенски „Стандард. Уште 250.000 се во книгите за нарачки за тековната финансиска година.

– Во првите недели по затворањето, продадовме повеќе е-велосипеди отколку во целата претходна година, вели Стефан Лимбрунер.

Шефот на најголемиот австриски производител на велосипеди има 15 проценти повеќе вработени во Матигхофен отколку пред кризата. Наместо 800, тие произведуваат 1.000 велосипеди на ден, наскоро и по 1.200.

KTM вработува 600 луѓе за конструирање велосипеди, од кои 400 се во производство.