По светскиот кино успех филмот „Мајкл“ од 10 август оди на платформата „Старз“

По постигнатиот голем успех во кината ширум светот, музичката биографска драма „Мајкл“ од 10 август ќе биде достапна и на стриминг-платформата „Старз“ (Starz)

„Мајкл“, со над милијарда долари заработка на светско ниво, е меѓу најголемите филмски хитови за 2026 година.

Со Џафар Џексон во главната улога, филмот го раскажува животот на пејачот од детството, музичките почетоци со групата „Џексон 5“, па сè до неговата „Бед“ турнеја кон крајот на осумдесеттите. Покрај Џафар Џексон, актерската екипа ја сочинуваат Џулијано Валди, Колман Доминго и Ниа Лонг.

Наскоро се очекува продолжение на филмот.