Петта резолуција во ОН со која е осудена Русија
Документот предвидува механизам за плаќање репарации
Генералното собрание на ОН усвои резолуција со која се бара Русија да се смета за финансиски одговорна за инвазијата на Украина.
Документот, особено, предвидува создавање на регистар за предизвиканата штета и развој на механизам за плаќање на репарации.
Резолуцијата беше поддржана од 93 земји (вклучувајќи ги САД и сите земји од ЕУ), 13 гласаа против (вклучувајќи ги Русија и Кина), други 74 (вклучувајќи Бразил, Индија, Србија, Казахстан) беа воздржани.
Ова е петта резолуција на Генералното собрание на ОН за осуда на руската агресија, усвоена по почетокот на војната во Украина. Овие резолуции, за разлика од одлуките на Советот за безбедност на ОН, не се обврзувачки.