Петровска го нарече Чулев „очајник“ бидејќи лажира изборен поткуп

Сите од досега сослушаните граѓани чии лични документи се најдени во продавница во Штип, изјавиле дека личните документи не им се земени заради поткуп туку заради долг, напиша дополнителната заменичка министерка на МВР Славјанка Петровска на нејзинитот Фејсбук профил како одговор на написот на министерот Наќе Чулев за наводен изборен поткуп.

– Ова не е кривично дело поврзано со изборите туку кривично дело од областа на економскиот криминал кое допрва треба да се докаже. Очајници прават очајнички потези. Срамно е да се злоупотребува позицијата министер за внатрешни работи и да се соопштуваат невистини, особено кога истрагата е во тек, што впрочем е напишано и во известувањето до ОЈО. Известувањето во кое е наведено дека не се спомнува ниту една политичка партија, а е доставено до ОЈО е потпишано и од началникот и од дополнителниот начлник на СВР Штип. Со ова очигледна е намерата на Чулев да влијае на истрагата и да ја злоупотреби за партиски цели, пишува Петровска.

Таа од нејзиниот ФБ профил ги повикува припадниците на Министерството да не подлегнуваат на партиските притисоци и секој сомнеж за кривично дело да го докажат во соодветна постапка со соопштување на факти.