Пет мртви во невреме во Мозамбик

 

Најмалку пет лица загинаа во налет на циклонот Кенет во Мозамбик, а тоа е нов биланс, кој го соопштија локалните власти.

Хуманитарните организации предупредија на можни поплави и лизгање на земјиште во наредните денови.

ОКолу 3.500 куќи во североисточната област Кабо Делгадо се оштетени, а населението остана без струја, додека најмалку еден мост е урнат.

Циклонот Кенет во четвртокот ја погоди земјата со ветрови со брзина од 220 километри на час, што е сила на ураган од четврта категорија.

Во налетот на циклонот Идаи пред шест недели во Mозамбик загинаа најмалку 600 луѓе.

Обединетите нации соопштија дека ова е прв случај два циклона да го погодат Мозамбик во една сезона.