Пендаровски и претседателот на Еврејската заедница го поздравија донесувањето на законот за клубовите

Претседателот Стево Пендаровски и првиот човек на Еврејската заедница, Пепо Леви, на денешната средба  го поздравија донесувањето на измените и дополнувањата на Законот за здруженија и фондации и на Законот за политичките партии, согласно кои се забранува називот и ознаките на политичките партии, здруженија и фондации да содржат симболи, зборови, кратенки, кои предизвикуваат расна или верска омраза или нетрпеливост, етничка нетрпеливост, нетолеранција, омраза, геноцид, екстерминација, ширење или поддршка на фашизам, нацизам, национал-социјализам и Третиот рајх, или повикување на личности и настани од минатото поврзани со фашизам, нацизам, национал-социјализам и Третиот рајх, соопшти неговиот кабинет.

Пендаровски од Леви беше информиран за активностите на Еврејската заедница, за нивните ангажмани и идни планови, како и за нивната соработка со државните институции. Пендаровски ја изразил својата поддршка за активностите на Еврејската заедница и ја истакна неговата заложба за унапредување на соработката со нив, во контекст на зачувување и афирмирање на културата, традицијата и обичаите на македонските Евреи.