Папата Франциск полни 85 години

 Папата Франциск денеска полни 85 години, поради што  добива честитки од целиот свет.

Поглаварот на Римокатоличката црква, италијанскиот имигрант со аргентинско потекло Хорхе Марио Бергољо е во добра физичка кондиција за својот 85-ти роденден.

Минатото лето тој беше опериран на дебелото црево и помина повеќе од една недела во болница. Во медиумите се појавија гласини за влошена здравствена состојба на Папата, но тој ги демантираше за време на патувањето во септември, кога беше забележано дека не само што закрепнал, туку и дека неговото целокупно здравје изгледа подобрено.

Тогаш тој сам се пошегува дека кога „Папата бил во болница дувале ветровите на конклавата“ (се одржувале избори за нов папа).