Папа Франциск: Насилството врз жените е речиси сатанско

Папата Франциск го осуди насилството врз жените истакнувајќи оти мажите кои вршат такво насилство се занимаваат со нешто што е „речиси сатанско“.

За време на разговорите со три жени и еден маж за италијанската мрежа ТГ5 папата истакна дека е „многу голем“ бројот на жени кои биле тепани и злоставувани во нивните домови.

– Тоа е речиси сатански бидејќи се искористува персона која не може да се брани, која може само да се обиде да го запре ударот. Тоа е понижувачко. Тоа е многу понижувачки, наведе папата, одговарајќи на прашање на жена жртва на семејно насилство.

Поглаварот на Римокатоличката црква од почетокот на пандемијата пред речиси две година повеќе пати зборуваше против семејното насилството, што е во пораст по воведувањето на рестриктивните мерки.