Пандемијата зеде два милиони животи досега


Официјалниот глобален број на жртви од пандемија на коронавирус денеска надмина два милиони, соопшти Универзитетот „Џон Хопкинс“.

Трагичната пресвртница пристигна пред нешто повеќе од една година откако за прв пат беше забележана првата смрт на Ковид-19 во Вухан, Кина.

Иако бројката од два милиони е застрашувачка, експертите велат дека вистинскиот број на починати е многу поголем.

Само потврдени смртни случаи од Ковид-19 се вклучени во броењето, што значи дека луѓето кои умираат без цврста дијагноза може да не бидат вклучени, велат експертите.