Палмер ќе го посети Косово, датумот се уште не е утврден

Американскиот заменик-помошник државниот секретар, Метју Палмер, кој е именуван за специјален американски пратеник за Западен Балкан, планира да го посети Косово, но датумот се уште не е утврден, објави денеска „Газета Експрес“.

Информацијата во писмен одговор упатен до порталот ја потврди Амбасадата на САД во Косово.

Ова ќе биде прва посета на Палмер на Косово во својство на специјален американски пратеник за Западен Балкан, функција на која беше именуван со одлука на државниот секретар Мајк Помпео на 30 август оваа година.