Palmer fillon vizitën në Maqedoni

Zv.ndihmës sekretari shtetëror për Çështje Evropiane i SHBA-së, Matthew Palmer sot do të qëndrojë për vizitë në Maqedoni. Palmer do të takohet me kryeministrin Zoran Zaev dhe me ministrin e Punëve të Jashtme Nikolla Dimitrov, si dhe me përfaqësues të partive politike.

MPJ bëri të ditur se në takim me Dimitrovin do të bisedohet për perspektivat euroatlantike të Maqedonisë, si dhe për gjendjen aktuale në vend dhe në rajon.

Siç njoftuan nga Ambasada Amerikane në Shkup, Palmer do të bisedojë me kreun shtetëror të Maqedonisë rreth mbështetjes së SHBA-së për Marrëveshjen e Prespës midis Maqedonisë dhe Greqisë, dhe për rëndësinë që të vazhdohet me agjendën reformuese të Maqedonisë.

Kjo është vizita e dytë e Palmerit në vend këtë vit. Zv.nidhmës sekreatari shterëror për Çështje Evropiane të SHBA-së, për herë të fundit në takime me kreun shtetëror të Maqedonisë ishte në gusht të këtij viti./Gazeta e Pavarur