Падна дрво во Центар, оштети неколку возила

Најавеното невреме, вчера во Скопје, не пристигна со дожд, но затоа пак, дуваше силен ветар. 

Од ветрот паднало дрво во центарот на Скопје, при што оштетени се неколку возила. 

„Падна уште едно навидум зелено и здраво дрво во близина на Зеленото пазарче во Општина Центар, оштети три паркирани автомобили и за среќа, нема повредени жители“, извести вчера градоначалникот на Центар, Саша Богдановиќ, на својот фејсбук-профил.

„Ги замолувам граѓаните да бидат внимателни додека се движат по улиците и да не ги паркираат своите автомобили во близина на дрвјата додека трае невремето проследено со силен ветар“, додава тој.