Озил: Расизмот е проблем во Германија


Играчот од средниот ред на Арсенал, Месут Озил, не жали за неговата одлука да замине од германската репрезентација. Според него, расизмот е голем проблем во Германија, и поради тоа престанува да игра за Бундестимот. 31-годишниот играч од средниот ред ја заврши кариерата во репрезентацијата по Светското првенство во 2018 година, тврдејќи дека тој бил жртва на расистички навреди по неговата заедничка фотографија со турскиот претседател Реџеп Тајип Ердоган пред почетокот на рускиот шампион.

– Со текот на времето, сигурен сум дека мојата одлука да се откажам од Бундестимот ќе се покаже вистинска. Беше тежок период за мене. Играв девет години за Германија и бев еден од најуспешните фудбалери. Ја освоив светската титула, играв многу натпревари и дадов се од себе. Но, по фотографијата, се чувствував незаштитен. Добив расистички навреди, дури и од политичари и јавни личности, и никој од Бундестимот не дојде да ми даде поддршка, изјави Озил за „Атлетик“.

Роден во Германија, од родители Турци, Месут тврди дека расизмот станува проблем во земјата.

– Има големи проблеми во Германија. Расизмот не е веќе само кај крајната десница, но се шири и во средната класа, рече Озил.