Оваа храна се јаде најмногу во светот: Годишно речиси 80 килограми по жител

Секој од нас има омилени јадења, вкусови, рецепти, а она што го јадеме многу варира од континент до континент.

Дури и од земја до земја, дури и во региони во истата земја. Но, која храна најмногу се јаде во светот? Каква храна не познава граници, култура, пол или раса? Тоа е оризот, најконзумираната храна во светот. На оваа планета годишно се јадат 78,4 килограми ориз по глава на жител!

Во светот, 158 милиони хектари земјиште се користат за одгледување ориз. Тој е главен извор на храна во азиските земји, но се консумира и во Европа, Америка, Австралија, а во помала мера само на африканскиот континент. Повеќе од половина од светската популација користи ориз како основна храна во својата исхрана и тоа го прави со векови. Неговите предности се тоа што е евтин, заситува и лесен е за одгледување во различни климатски услови. Се користи во козметиката и медицината, се користи за правење „хартија“, а важна улога има и во верските церемонии.

Секако, високо на листата е и пченицата, светски популарно жито од кое се прави леб и тестенини. Годишно во просек се трошат 67 килограми пченица по жител. Компирите се нешто помалку распространети, но секој жител јаде околу 32 килограми од нив годишно, а се јадат и многу пченка и касава, кои се популарни во африканските земји.

Најпопуларно месо е пилешкото, најјаден зеленчук е доматот, а најконзумираниот пијалок без конкуренција е млекото. Според последните податоци, потрошувачката и производството на млеко се зголемува во последните 30 години, а денес се трошат 79,3 килограми годишно по жител на планетата Земја, пишува putnikofer.hr.