Ова е јасен знак дека сте прележале корона вирус, а за тоа можеби и не сте знаеле


Медицински експерти од Израел откриле дека ова е најчестиот симптом што се јавува кај пациенти кои биле заразени со корона.

Бидејќи земјите ширум светот се соочуваат со остар скок на бројот на заразени со коронавирус, многу медицински експерти со месеци ги проучуваат пациентите кои страдаат од Ковид-19 за да дознаат како го напаѓа телото.

Студијата од Ерусалим откри нешто што сите треба да знаеме: 50% од пациентите со Ковид доживуваат општа слабост по борбата против вирусот, без оглед дали станува збор за потешка или поблага клиничка слика.

„Најмалку половина од пациентите со корона вирус сè уште страдаат од општа слабост и отежнато дишење со недели и, можеби, месеци по закрепнувањето, според првичните резултати од израелската студија“, пренесува И24. Пулмоналниот институт при Медицинскиот центар „Шаре Зедек“ во Ерусалим ги објави своите откритија во неделата, кои се однесуваат на десетици пациенти кои страдаат од вирусот Ковид-19, од блага до умерена и сериозна состојба. Околу 50% од нив имале ист симптом – општа слабост по закрепнувањето, што не е поврзано со сериозноста на болеста. Покрај тоа, истражувањето открило дека пациентите со поблага клиничка слика може да имаат долгорочно оштетување на белите дробови, додека оние кои се во сериозна состојба не мора да пријавуваат слични тешкотии. „Меѓу симптомите што ги испитавме, откривме општа слабост кај повеќето субјекти, кашлица или останување без здив, фиброза / белодробна емболија, опструкција и сомнителна пулмонална хипертензија“, рече професорот Габриел Избеки, директор на пулмоналниот институт, кој ја започна студијата.