Отворена истрага против четворица американски сенатори за шпекулирање на берзата

САД – Четворица американски сенатори се под истрага заради обвинувањата дека користејќи инсајдерски информации во текот на кризата со коронавирусот стекнале профит од продажба на берзата пред вртоглавниот пад на вредноста на акциите.

Заради минатомесечна продажба на своите акции во милионски износи републиканските сенатори Ричард Бјур, Кели Лифлер и Џејмс Инхоф, како и демократската сенаторка Дијана Финстајн, се соочуваат со барање да поднесат оставки на функциите, пренесува Би-Би-Си.

Според американските закони, берзанското тргување темелено на инсајдерски информации е илегално за членовите на Конгресот, додека тие се на официјалните позиции.

Сенаторот Бјур, според досега достапните информации, продал акции во вредност од 1,7 милиони американски долари, а сенаторката Лифлер во вредност од три милиони доалри.

Американското Национално јавно радио (НПР) објави снимка од сенаторот Бјук кој предупредува група богати бизнисмени на економските ефекти од епидемијата на коронавирусот во момент кога Белата куќа јавно го минимизираше ризикот од епидемијата.

Сенаторите ги негирата обвинувањата, а сенаторот Бјук тврди дека НПР злонамерно ги интерпретирал неговите зборови.