Откриена новата кула на Нотр Дам во Париз со златен петел и крст на врвот

Новата кула на париската катедрала Нотр Дам има крст и златен петел на врвот, дизајниран да личи на феникс со запалени пердуви, што го симболизира издигнувањето на средновековната зграда од пепелта.

Скелињата околу кулата вчера се отстранети речиси пет години по пожарот, а се претпоставува дека преостанатиот процес на отстранување на сите скелиња би можел да потрае со недели, ако не и месеци, пренесува Еуроњуз.

Новата кула на катедралата, со својот златен петел и крст, беше заштитена со околу 70.000 парчиња скелиња, тешки вкупно 600 тони, пренесува Си-Би-Ес њуз.

Nearly five years into the reconstruction process, Notre Dame reveals its new spire along with a golden rooster and a cross crowning it. pic.twitter.com/OQ8y5GKaWd

— euronews (@euronews) February 13, 2024

Отворањето на катедралата е најавено за 8 декември 2024 година, што значи дека нема да биде отворена за јавноста за време на Летните олимписки игри кои оваа година се одржуваат во јули и август во Париз.

Луѓето ширум светот собраа повеќе од една милијарда долари за да помогнат во обновата на Нотр Дам по големиот пожар во 2019 година, за кој иследниците сметаат дека најверојатно бил предизвикан од краток спој.

Scaffolding that shrouded the top of Notre Dame cathedral following a devastating fire in April 2019 is being removed, marking a milestone in its reconstruction. As the shell at the summit has been taken down, it has revealed the cathedral’s new spire for the first time. pic.twitter.com/8JFTBmfYOP

— The Associated Press (@AP) February 13, 2024