Откриен целосен фосил на подводен диносаурус во Кина

Меѓународен тим научници открија целосен фосил на подводен рептил диноцефалосаурус ориенталис (Dinocephalosaurus orientalis) во јужна Кина.

Фосилот е стар 240 милиони години и веќе е нарекуван „змеј“, бидејќи има исклучително долг врат. Тој е долг пет метри и му припаѓал на геолошкиот период Тријас.

Со 32 одвоени вратни пршлени, тој има извонредно долг врат и неговите превртени екстремитети и добро сочуваната риба во стомакот, укажуваат на тоа дека е многу добро прилагоден на океанскиот начин на живот, велат истражувачите.

Рептилот првично беше идентификуван во 2003 година, но откривањето на дополнителни, поцелосни примероци оттогаш му овозможи на меѓународниот тим на научници целосно да го прикаже суштеството.