Осуден Мерлин Менсон

Американскиот музичар Мерлин Менсон денеска беше осуден на 20 часа општествено корисна работа и парична казна откако призна дека го издувал носот во лице на снимателка на концерт во Њу Хемпшир во 2019 година.

Менсон, чие вистинско име е Брајан Ворнер, беше обвинет по две прекршочни точки и го призна само обвинението за дување нос во договорот за признавање на вината со обвинителите.

Обвинителите го отфрлија второто обвинение, во кое се тврди дека Менсон ја плукнал камерманката, јавува Асошиетед прес.

Пејачот беше казнет со нешто повеќе од 1.400 долари, а судијата се согласи да му дозволи на Менсон да служи општествено корисна работа во Калифорнија. Менсон мора да обезбеди доказ за својата општествено корисна работа до 4 февруари.

Како што потсетува АП, Менсон е обвинет за две точки за напад на камерманката Сузан Фонтен, кога тој ѝ пришол на сцената, го ставил лицето пред камерата што ја држела и двапати го издувнал носот врз неа.