#останидома еспорт турнир во организација на Македонската Еспорт Федерација


Македонската eспорт федерација ќе организира турнири во три е-спорт дисциплини, продолжувајќи ги своите активности и во време на епидемија и ограничување на движењето и работењето. Учесниците ќе се натпреваруваат во Counter Strike: Global Offensive, League Of Legends и ProEvolution Soccer 2020. Натпреварите ќе се играат на 4-ти и 5-ти мај 2020 за тимските игри и на 7-ми мај за PES 2020.

Победниците на турнирот организиран од МеСФ под мотото #StayHome ќе учествуваат на првиот Европски куп на нации, кој ќе започне на Денот на Европа – 9-ти мај 2020!

За првата титула Шампион на Европа, наши партнери и противници ќе бидат Португалија, Чешка, Србија, Словачка, Белгија, Израел, Белорусија, Унгарија, Србија, Украина и Грузија.

Светската здравствена организација препорача да се играат игри за време на пандемијата, но препораките се во насока на умерено играње. Ние како Федерација секогаш предупредуваме дека вкупното време кое се минува пред компјутер да биде посветено на физичка активност. Исто така, правилните тренинзи и обуката може да донесат подобри резултати отколку неконтролираното играње со часови без прекин.
Во овој двомесечен период, еспортот е единствен спорт кој активно се одвива и се повеќе се практикува – велат организаторите.

Македонската еспорт федерација е формирана 2009-та година и е членка на Меѓународната еспорт федерација, на Европската еспорт федерација и на Светскиот конзорциум за еспорт. Досега наши учесници биле дел од 10 светски првенства и веќе 5-та година се организира Национална Еспорт лига.