Основана нова политичка партија Движење за демократија права и слобода
Пред неколку дена во Битола е основана нова политичка партија Движење за демократија права и слобода (ДПС).
На основачкото собрание одржано во Битола за претседател на ДПС е избран долгогодишниот граѓански активист Един Јакуповиќ, кој во своето кратко обраќање изјави дека ја прифаќа одговорноста да го предводи ДПС со тим кој е составен од многу млади но и веќе докажани соработници и активисти кои долго време заедно со него ја водеа битката за демократија, права и слободи во општеството.
Во текот на наредната недела ДПС ќе има и редовна седница на централниот одбор каде ќе се бираат претседателство и избор на други партиски раководства на ДПС.
Политичката партија ДПС е нова граѓанска опција во Република Северна Македонија а дел од програмската рамка се и следните цели:
● развој и просперитет на независна и суверена Република Северна Македонија.
● членство во ЕУ и други стратешки цели за Република Северна Македонија.
● градење на граѓанско, демократско, плуралистичко општество, во кое ќе сe почитуваат човековите права и ќе владее правото и правната држава.
● почитување на културата и специфичностите на граѓаните, нивните еднакви права и одговорности.
● почитување на верските слободи и правото на слободен избор на вероисповест.
● рамноправност меѓу половите и заедниците.
● градење на пријателство и добрососедски односи со сите соседни држави.
● слобода на говорот и мислата.
● заштита на правата на медиумите.