Османи: За нападот на болницата во Газа нема оправдување
Министерот за надворешни работи, Бујар Османи, преку Твитер го осуди ракетниот напад на болницата во Газа, велејќи дека нема оправдување за таквата постапка.
„Нападот врз болница и училиште во Газа со стотици цивилни жртви е нехуман чин на терор за кој нема оправдување. Почитување на меѓународното и хуманитарно право е приоритет, а цивилите мора да бидат целосно заштитени по секоја цена. Сторителите на овој чин мора да бидат јасно идентификувани и да одговараат“, напиша Османи на Твитер.
Претходно Османи изрази силна осуда за нападот на Хамас врз Израел и за големиот број загинати цивили.
Алтернатива и Беса го обвинија Израел за експлозијата во болницата, оценувајќи дека станува збор за терор, за геноцид и побараа меѓународна истрага.