„Оскарите“ се најголема ноќ за дизајнерите : Големи филмови, големи ѕвезди, висока мода
Наградите на Академијата одамна се познати по тоа што се платформата на најнезаборавните модни моменти на многу познати личности кои останаа во културниот лексикон со децении
САД- Големи филмови. Големи ѕвезди. Висока мода. Кога ѕвездите ќе продефилираат на црвениот килим на доделувањето на „Оскарите“ на 12 март во театарот „Долби“ во Лос Анџелес, тоа не само што ќе биде најголемата ноќ во Холивуд, туку и најголемата ноќ за славните дизајнери.
Неодамнешната Модна недела во Париз ќе придонесе за нови изгледи.
„’Оскарите’ се најголемата модна ревија на планетата“, изјави дизајнерот Марк Бауер.
За разлика од затворените ревии, „Оскарите“ се прикажуваат во живо низ целиот свет и имаат милионска публика. Фотографии и видеоснимки од славни личности ги преплавуваат весниците, списанијата и интернетот.
Според модниот дизајнер Ален Б. Швац, фустанот може дополнителни да истакне некоја ѕвезда, меѓутоа, ѕвездата не може да го направи фустанот поубав.
„Грд фустан ќе стои грдо на кој било“, додаде тој.
Гвинет Палтроу ја научи лекцијата во 2002 година со претерано проѕирниот црн фустан на Александер Меквин. Од друга страна, пак, Кејт Бланшет секогаш ќе биде запаметена по фустанот на Жан Пол Готје, чиј грб беше навезен со цветови и колибри во 1999 година.