Општина Арачиново ќе плаќа стари долгови со парите од Владата

Парите кои ќе ги добиеме од Владата ќе ги искористат за враќање на стари долгови. Со сумата што ја добиваме можеме да вратиме само половина од долгот видејќи тој изнесува 60 милиони денари (1 милион евра), велат од Општина Арачиново која деновиве се најде на удар на јавноста поради одобрените 500.000 евра од Владата за справување со ковид-19..

– Со оглед на тоа дека пандемијата со ковид-19 отежна многу функции и активности на општината, доставивме барање за финансиска помош до Влада во врска со ефектите на ковид-19, за да се соочиме со општинските долгови. Ние како општина наследивме повеќе долгови, а пандемијата ја отежни уште повеќе состојбата со општинските долгови – изјавија од општината за ТВ 21.

Според одлуката на Владата сумата од 500.000 евра е неповратна помош за справување со потешкотиите во тековното работење настанати поради ковид-19 кризата.