Општина Аеродром иницира 50 отсто пониски комуналии за градба на куќи, ќе изгласа ли Град Скопје?

 

 Општина Аеродром на последната седница на Советот, усвои предлог иницијатива за обраќање до Град Скопје со цел намалување за 50% на надоместокот за уредување земјиште за изградба на објекти за индивидуално домување (куќи) во населените места во Лисиче. Предлог иницијативата го опфаќа реонот околу населбата Лисиче и Горно Лисиче и улиците „Ѓорѓи Капчев“ и „Тодор Чангов“.

 

Вака усвоената предлог иницијатива ќе биде доставена до Советот на град Скопје и Градоначалникот на град Скопје за понатамошно усвојување. Имајќи предвид дека истата значи сериозно финансиско олеснување за граѓаните, апелираме до Градот Скопје во најкраток временски период да ја разгледа и усвои истата, велат од Општина Аеродом.