Опозицијата во Турција организираше предизборен митинг со милион луѓе

Речиси милион луѓе, млади и стари, го исполнија до крај најголемиот парк Орхангази во Малтепе на азискиот брег на Истанбул за изборниот митинг на опозициската Национална алијанса, што се одржа под наслов „Големата средба со народот“.

Паркот беше како море од развиорени црвени знамиња и постери со ликот на Ататурк. Извиците „Право“, „Сакаме вистинска правда“, „Време е за промени“, „Економски просперитет“, „Пролетта е наша“ го исполнија теренот. Впечаток остави големото присуство на жени и млади.

Лидерите на шесте политички партии (Народна републиканска партија, Добра партија, ДЕВА, Партијата на иднината, Партијата на среќата и Демократската партија) кои се обединети во Националната алијанса, на чело со претседателскиот кандидат Кемал Куличдароглу, како како и кандидатите за потпретседател Екрем Имамоглу, градоначалник на Истанбул, и Мансур Јаваш, градоначалник на Анкара.

Лидерите во своите говори истакнаа дека изборите на 14 мај ќе донесат промена на режимот на еден човек, а на изборите за претседател во првиот круг ќе победи кандидатот на опозицијата Кемал Куличдароглу.

Митингот траеше повеќе од 3 часа, но луѓето не заминуваа и останаа до крај, иако беше темно и врнеше. Заедно играа и пееја.

Кога на говорницата дојде претседателскиот кандидат на опозициската алијанса, Кемал Куличдароглу, присутните го поздравија со гласни извици „Ти ветуваме“, „Пролетта доаѓа“, „Ти ќе бидеш наш претседател“. (Ова се дел од изборните слогани на главната опозициска Народната републиканска партија).

Куличдароглу во својот говор ја истакна демократијата, парламентарната демократија, која, според неговите зборови, на Турција ѝ е најпотребна во моментов, како и освојувањето на претседателската функција во првиот круг.

„Ќе бидам претседател на 85-милионската Турција, а целта е да ја извлечам нагоре, праведно да му служиме на народот“, рече Куличдароглу.

Посебно ги истакна младите, чии гласови ќе бидат важни за гласањето.

„Во Истанбул првпат ќе гласаат околу 800.000 млади луѓе. Вие сте тие кои ќе придонесете за промена на автократскиот режим со демократско владеење. Вие сте нашата сила. Ова е чест што верувам дека достоинствено ќе ја исполните“, рече ривалот на Ердоган.

Тој вети дека ако опозицијата дојде на власт, ќе ги врати сириските и авганистанските мигранти во нивната земја.

Медиумите блиски до опозицијата го оценија собирот како најголем и на опозицијата во последните 20 години.

„Милиони се собраа на митингот на опозицијата“, напиша „Џумхуриет“. Според весникот, тоа бил историски митинг.

Во Истанбул предизборниот маратон ќе продолжи денеска со митинг на Републиканската алијанса предводена од претседателот Реџеп Таип Ердоган.

Митингот се свикува попладне во најголемиот парк во европскиот дел на Истанбул – националниот парк на аеродромот „Ататурк“.

Се очекува тоа да биде најпреполниот митинг на Републиканската алијанса, за кој ќе пристигнат многу луѓе од различни области на метрополата, но и од селата, објавија провладините медиуми.

Завршните митинзи за изборите ќе се одржат на 12 мај во Анкара, два дена пред парламентарните и претседателските избори на 14 мај.

Доколку има втор круг на претседателските избори, тој ќе биде на 28 мај.