Онлајн наставата мора со видео, но не смее да се снима

Голем дел од наставниците жестоко реагираа по обуките за онлајн предавањата на Националната платформа, тврдејќи дека едукаторите им дале јасно на знаење дека е незаконски да бараат од учениците до 16-годишна возраст да имаат вклучено камера. Велат дека им било укажано дека само децата имаат право да ја гледаат наставничката, но не и таа нив, пишува Фактор.

Наставниците сметаа дека на тој начин децата по прозивката може да продолжат да спијат, а тие да мислат дека се присутни.

Од МОН појаснуваат дека онлајн наставата не се снима и не се креира запис.

– Онлајн часот е како обичен час. Само овластени чинители имаат пристап до онлајн наставата, истите оние кои имаат пристап и кога се одржува настава со физичко присуство – МОН, Бирото за развој на образование, Педагошката служба. Вклучувањето во онлајн наставата е двонасочен процес, велат од МОН.