Олег Дерипаска: На Путин му снемува пари

Еден од најбогатите руски бизнисмени предупредува дека финансиските неволји во кои се најде Русија би можело да кулминираат во 2024 година.

„Нема да има пари следната година“, изјави олигархот Олег Дерипаска вчера на Економскиот форум Краснојарск во Сибир, пренесоа руските медиуми.

„Ќе ни требаат странски инвеститори“, додаде тој.

Forbes го наведе 55-годишниот алуминиумски тајкун и индустријалец како најбогат човек во Русија и деветти најбогат човек во светот во 2008 година, пред финансиската криза.

Неговото богатство заклучно со јуни 2022 година се проценува на 3,2 милијарди долари. Дерипаска рече дека изградбата на „државен капитализам не е опција“ и предупреди на „сериозни“ санкции.

„Русија треба да продолжи да развива пазарна економија“, рече Дерипаска.

„Странските инвеститори ќе гледаат како руските инвеститори заработуваат пари, какви услови постојат“, додаде тој.

Тој, исто така, предупреди на тешкотиите што ги предизвикува влегувањето на нови пазари управувани од таканаречените пријателски нации, според Интерфакс, невладина медиумска куќа за вести во Русија.

„Многу е тешко. Правилата на играта се различни“, рече Дерипаска.

„Доколку правилата на WTO (Светската економска организација) не се применат на руските претприемачи, мора да се префрлиме на билатерални договори. Ќе има проблеми со пресметките, притисокот од санкции ќе биде сериозен“, додаде тој.

Неговите коментари на Twitter ги коментираше портпаролката на украинскиот претседател Володимир Зеленски, Јулија Мандел, која ги објави коментарите на Дерипаска со натпис: „Каква дрскост!

Се чини дека ставот на Дерипаска е во спротивност со финансиските намери на рускиот претседател Владимир Путин, кој на руското Министерство за одбрана непосредно пред Божиќ му рече дека неговата земја „нема ограничувања за финансирање“.

„Земјата и владата обезбедуваат сè што бара војската“, рече Путин.

Бруто домашниот производ (БДП) на Русија се намали за 2,2 отсто во 2022 година, но дефицитот не беше блиску до проценките на светските лидери, како што се американскиот претседател Џон Бајден и други, дека националниот БДП ќе се намали за 10 или 15 отсто.

Сепак, санкциите наметнати од САД и други земји имаат широко влијание врз руските граѓани. Истражувањето објавено од московската независна истражувачка група Крониклс покажа дека колку подолго трае војната, толку повеќе Русите се свртуваат против неа, пишува Newsweek.