Околу 800 лица се спасиле од одговорност со измените на Кривичниот закон
Оспорените измени на Кривичниот законик утре ќе се најдат на расправа пред Уставниот суд. Година и половина по поднесената иницијатива, судиите ќе одлучуваат дали намалените казни за злоупотреби на службената положба при јавни набавки се спротивни на владеењето на правото и еднаквоста која ја гарантира Уставот. Подносителот на иницијативата Павле Трајанов вели дека реакцијата на Уставниот суд е задоцнета, со оглед на тоа што иницијативата е поднесена уште во септември 2023-та кога Кривичниот законик беше изменет по скратена постапка и со европско знаменце.
Очекувањата на Трајнов се Уставниот суд да ги укине спорните измени на Кривичниот закон, бидејќи нивното поништување во пракса ќе значи преиспитување на сите досегашни пресуди во оваа фаза, што е невозможно. Проценките се дека досега со овие измени од кривична одговорност се спасени околу 800 лица, чии дела или се застарени или изречени им се помали казни.