Околу 400 инвеститори бараат црногорски пасош: Еве како можат да го добијат

Црна Гора не решила 398 барања за добивање државјанство, како дел од програмата за економско државјанство, открива извештајот на Европската комисија (ЕК) за Црна Гора.

Во тој документ, чии детали ги пренесува РТЦГ, се наведува дека на 15.06.2023 година сè уште биле во тек 398 пријави. Останатите нерешени апликации, велат од Европската комисија, треба соодветно да се проверат за да се осигура дека тие се целосно усогласени со сите рестриктивни мерки на Европската унија.

Според извештајот на Европската комисија, со цел усогласување на националното законодавство со правото на ЕУ, Црна Гора воведе визи за жителите на Обединетите Арапски Емирати, како и за граѓаните на Куба и Еквадор (во јануари, април и мај 2023), на кои порано им беше доволен само пасош за да влезат во земјата.

– Сепак, има 12 земји кои се на листата на безвизен режим за Црна Гора, но не и за ЕУ, од кои седум имаат трајно ослободување од визи (Азербејџан, Белорусија, Кина, Кувајт, Катар, Русија, Турција), а пет имаат сезонско укинување на визите за влез во Црна Гора од туристички причини помеѓу април и октомври (Ерменија, Египет, Казахстан, Саудиска Арабија, Узбекистан).

Одлуката за сезонско укинување на визите, која Владата ја донесе во април 2023 година, опфаќа превентивни мерки против ризикот од злоупотреба на безвизниот режим, како што е потребата да се биде дел од организирана туристичка група – се вели во извештајот. .

Еден од условите е влез и излез на територијата на Црна Гора со директни чартер летови и да има платен туристички аранжман или писмо за покана од црногорска туристичка агенција.

– Граѓаните на Белорусија и Русија се без визи до 30 дена на трајна основа, како и граѓаните на Кина доколку се во организирани туристички групи. Шемата за државјанство на инвеститори беше прекината на крајот на 2022 година. Во периодот од јануари 2019 до декември 2022 година поднесени се 556 барања (556 баратели и 1.281 член на семејството).

До 15 јуни 2023 година Владата донесе 954 позитивни решенија (293 баратели и 661 член на семејството). На 15 јуни 2023 година, 398 апликации сè уште беа во тек. Останатите нерешени апликации треба соодветно да се проверат за да се осигура дека тие се целосно усогласени со сите рестриктивни мерки на ЕУ, се вели во извештајот.

Европската комисија, претходно заклучи дека Црна Гора продолжила да презема активности за исполнување на препораките од извештајот од претходната година. Сепак, неопходен е понатамошен напредок во усогласувањето на визната политика на Црна Гора со списокот на земји од ЕУ на кои им е потребна виза, а не само пасош.

– Особено ако се однесува на земји кои претставуваат ризик од нерегуларна миграција или безбедност за ЕУ. На Црна Гора е да се погрижи барањата што се во тек според неодамна укинатата шема за државјанство на инвеститори да бидат разгледани и обработени во согласност со највисоките можни безбедносни стандарди. Во таа насока, во мај 2023 година, Владата донесе одлука за формирање на Координативно тело за следење и спроведување на нерешените апликации во рамките на оваа шема – се наведува во извештајот на ЕК, пренесува „Блиц“.