Огромно античко морско „чудовиште“ ископано од карпите во Англија – имало трето око
Научниците откопаа череп на џиновско морско чудовиште – плиосаур, морски рептил кој ги тероризираше океаните пред околу 150 милиони години – од карпите на брегот Јура во Дорсет.
Овој череп долг 2 метри е еден од најкомплетните примероци од ваков вид што некогаш биле откриени и им овозможи на експертите подобар увид во начинот на живот на овој древен предатор. „Тоа е еден од најдобрите фосили на кои сум работел. Единствен е по тоа што е комплетен“, изјави локалниот палеонтолог Стив Етчес за Би-Би-Си.
„Долната вилица и горниот череп се споени заедно, како кога бил жив плиосаурот. Се сомневам дека постои фосилен примерок со ова ниво на детали во светот. И дури и да постои, обично му недостасува некој дел. Секоја коска е зачуван на овој фосил“, додаде тој.
Черепот е поголем од повеќето луѓе
Черепот е поголем од повеќето луѓе, а на него остануваат 130 заби. Предните се долги и остри. Самиот плиосаур бил долг помеѓу 10 и 12 метри. Имаше четири моќни екстремитети слични на перки со кои можеше да се движи со голема брзина низ океанот.
Pliosaur discovery: Huge sea monster emerges from Dorset cliffs.https://t.co/vtC7HPa3mG
— Dr Mark D'Arcy (@markoftheD) December 10, 2023
„Ова животно беше толку масивно што можеше да лови се што ќе наиде. Беше како подводен Т. Рекс“, вели палеонтологот Андре Роу од Универзитетот во Бристол. Плиосаурусот исто така знаел да јаде разни влекачи или дури и други плиосауруси.
Третото око
Муцката на фосилот е испреплетена со мали дупки во кои можеби имало жлезди кои му помогнале да ја регистрира промената во притисокот на водата создадена од потенцијалниот плен. А на главата му има дупка во која се наоѓало париеталното, или третото око како што имаат денес некои гуштери, жаби и риби.
Станува збор за светло чувствително око кое веројатно му служело на плиосаурот кога лови други животни, особено кога излегувал од длабоки, матни води. Етчес е убеден дека остатокот од морското „чудовиште“ се крие во карпите. „Се обложувам дека е така. Овој дел од карпата брзо се еродира. Нема да помине долго пред да се појават останатите плиосауруси. Тоа е можност што се случува еднаш во животот“, рече тој.