Од руските бомби умре и најпознатиот украински балетан

Водечка украинска балетска ѕвезда почина откако беше гранатиран од руските напаѓачи, предизвикувајќи гнев кај едно од најголемите имиња на московскиот театар Бољшој.

Артјом Дацишин (43) бил во болница борејќи се за живот речиси три недели.

Меѓународно признатата ѕвезда – почесен уметник на Украина – беше ранета во главниот град Киев два дена по почетокот на руската инвазија.

„На 26 февруари, тој беше погоден од руската војска“, рече пријателката Татјана Боровиќ. „Тој беше тешко ранет и почина во болница“.

Дацишин ги имаше главните улоги во „Лебедово езеро“, „Оревокршачка“, „Заспаната убавица“, „Жизел“ и „Ромео и Јулија“. Имаше турнеи низ Европа и САД.

Неговиот танцов стил имаше „академска експресивност, романтична восхит и психолошка длабочина“.

Неговиот погреб се одржа денеска во Киев.

Неговата смрт од руските бомби предизвика гнев кај едно од најголемите балетски имиња во Москва, кореографот Алексеј Ратмански, поранешен уметнички директор на Балетот Бољшој.

„Бесен сум“, рече тој, додавајќи дека смртта на Дацишин од рацете на руските напаѓачи предизвикала „неподнослива болка“.

„Артјом Дацишин, главен танчер во Националната опера на Украина, почина денеска во болницата во Киев од раните добиени на 26 февруари кога се најде под руска артилериска стрелба. Тој беше прекрасен танчер кој го сакаа неговите колеги. Неподнослива болка“, напиша Ратмански.