Од Нобелова награда право во амфитеатар: Професорот Вудфорд го одржа испитот веднаш по веста од Стокхолм

Американскиот економист и професор на Универзитетот „Колумбија“, Мајкл Вудфорд, веднаш по веста дека е еден од добитниците на овогодишната Нобелова награда за економија, не ја пропушти наставата и го одржа веќе закажаниот испит за своите студенти.

„Студентите аплаудираа откако ја слушнаа убавата вест. Претпоставувам дека некои се надеваа дека испитот ќе биде одложен, но мораше да го одржиме“, изјави Вудфорд за американските медиуми.

Тој признава дека веста за високото признание целосно го изненадила.

„Бев прилично изненаден. Сè уште ми е малку тешко да поверувам дека ова навистина се случува. Сè уште немав многу време за размислување, но ова е неверојатно“, истакнал новиот нобеловец.

Покрај Вудфорд, со овогодишната Нобелова награда за економија се закити и професорот Роберт Хол од Универзитетот „Стенфорд“, за нивниот придонес во развојот на микроекономските основи на макроекономската стабилизација, чии модели денес масовно се користат во централните банки и министерствата за финансии ширум светот.