Од Ковид-19 се лекуваат 15 деца

Во Клиниката за детски болести во моментот се лекуваат 15 деца од Ковид-19, а ниедно не е со загрозувачка клиничка слика.

Ова го потврди директорката Аспазија Софијанова, на денешната донација на четири респиратори од Словачка.

– Имаме 15 деца со 15 мајки кои се лекуваат на нашата клиника. Сите се со полесна клиничка слика и ни едно не е загрозено – потенцира Софијанова.

Таа смета дека Клиниката добро ги згрижува децата и се надева дека сите ќе поминат лесно низ болеста.