Од февруари стриминг платформата „СкајШоутајм“ ќе биде достапна и во Македонија
Од февруари идната година во Македонија ќе биде достпна стриминг платформата „СкајШоутајм“ (SkyShowtime). Ова беше соопштено на ексклузивен настан во Амстердам по повод лансирањето на услугата на нов пазар, на која присуствуваа интернационално познати личности и лидери од светот на стриминг услугите.
Извршниот директор на „СкајШоутајм“, Монти Сархан, соопшти дека сервисот ќе биде лансиран во декември оваа година низ повеќе земји од Централна и Источна Европа. Премиум понудата на „СкајШоутајм“ со ексклузивна и популарна забавна содржина ќе биде достапна во Босна и Херцеговина, Бугарија, Хрватска, Косово, Црна Гора, Србија и Словенија од 14 декември. А потоа, стриминг услугите ќе станат достапни и во Албанија, Чешка, Унгарија, Северна Македонија, Полска, Романија и Словачка од февруари 2023 година.
„СкајШоутајм е создаден за европскиот пазар и навистина сме возбудени што конечно можеме да им кажеме на нашите претплатници од Централна и Источна Европа дека сега е време за СкајШоутајм. По успешното лансирање во Северна Европа и Португалија, проширувањето кон овој пазар и овозможувањето на достапност до што повеќе луѓе ширум Европа е важно достигнување за нас“, вели Главниот извршен директор Монти Сархан.
Програмата на „СкајШоутајм“ ќе вклучува премиери на светски блокбастери, нови премиум авторски серии, семејна содржина и содржина за деца, но и внимателно избрана селекција на наслови и пакети од Universal Pictures, Paramount Pictures, Nickelodeon, DreamWorks Animation, Paramount+, SHOWTIME, Sky Studios и Peacock. На SkyShowtime исто така ќе може да се најде локална оригинална содржина, како документарни филмови и серии и специјално продуцирани содржини.
Дел од ѕвездите од оригиналната продукција на „СкајШоутајм“ присуствуваа на настанот, меѓу кои Итан Пек и Ребека Ромијн од серијата „Star Trek: Strange New Worlds“, Демиан Бишир од „Let The Right One In“, како и Клара Ругард од „The Rising“. Во публиката беа уште и Бокем Вудбин и Јерин Ха од „Halo“, Џејк Лејси и Колин Хенкс од „A Friend of the Family“, како и Џеф Вилбуш и Џулијана Кенфилд од „The Calling“.
„СкајШоутајм“ најпрво беше лансирана во Данска, Финска, Норвешка и Шведска на 20 септември оваа година, пред да се прошири и на пазарите во Холандија и Португалија на 25 октомври.