Од Евреите побарано да не го бакнуваат Ѕидот на плачот поради Ковид-19

Евреите не треба да го бакнуваат Ѕидот на плачот, изјави главниот рабин на Ерусалим, посочувајќи дека тоа е дел мерките усвоени од верските власти со цел спрешување на новиот коронавирус.

Голем број Евреи се молат пред Ѕидот на плачот, го бакнуваат и ставаат напишани молитви во пукнатините. Бакнувањето на Сидот не е дел од верскиот ритуал, но некои Евреи тоа го прават, верувајќи дека со тоа искажуваат почит кон Бога.

Во најновото соопштение, верските власти повторуваат да не се бакнува Ѕидот и верниците да држат соодветно растојание.

Во израел има 255 заразени со коронавирус, и уште 39 лица на Западниот Брег. Засега не се потврдени случаи на Ковид-19 во Појасот Газа.