Од Армани до Зења- 22 бренда со ревии во живо на модните писти во Милано

Италија– Прегледите на машка облека во Милано за есен/зима 2021-2022 се враќаат во формат главно во живо во јануари, со Zegna, Giorgio Armani, Fendi и Prada меѓу 22-те брендови кои организираат ревии во живо на модните писти, објави во понеделникот модниот совет на Милано.

Претседателот на италијанската национална модна комора, Карло Капаса, рече дека успехот на календарот за женска облека во септември, со повеќе од 40 прегледи во живо на модните писти, посочи дека „ревиите на модните писти можат безбедно да се организираат со социјално дистанцирање и маски за лице“.

„Треба да бидеме многу внимателни. Пандемијата е сè уште тука“, рече Капаса на дигиталната прес-конференција.

Во Италија се зголемува бројот на нови случаи на коронавирус во последните недели, но хоспитализациите остануваат под критичните прагови.

Календарот од 14 до 18 јануари вклучува и 24 презентации лично, при што само девет брендови избраа да презентираат дигитално. ЏВ Андерсон со седиште во Лондон е меѓу шесте брендови кои ќе го направат своето деби на пистата во Милано.

Потврдата на календарот во Милано доаѓа само неколку дена откако Британскиот моден совет соопшти дека неговите ревии за машка облека во јануари нема да се одржат поради Ковид и дека тие ќе бидат консолидирани со календарот за женска облека во февруари. (АП)