Oд 20 јуни до 22 август чартер лет од Скопје до Ларнака: Нов предизвик за летово до прекрасниот Кипар

Почнувајќи од 20 јуни па се до 22 август годинава ќе се воспостави чартер лет од Скопје до Ларнака, на острвот Кипар.

Како што беше соопштено денеска на прес конференција во Скопје, станува збор за прв директен чартер лет од Скопје до познатата туристичка дестинација Кипар за летниот одмор за 2023. Од Скопје до Ларнака патниците ќе патуваат со авиокомпанијата „Балкан холидеј ер“ (Balkan Holiday Air).

Летот ќе биде дневен чартер лет, а како што беше посочено најавата беше дочекана со голем ентузијазам и од туристичката индустрија и од туристите. Како и секоја чартер програма по стигнување на аеродромот патниците имаат трансфер до хотелот кој го одбрале за нивна резервација.

„Возбудени сме што можеме да го пречекаме новиот чартер лет од Скопје до Ларнака. Кипар отсекогаш бил топ туристичка дестинација, а овој нов лет несомнено ќе донесе повеќе посетители на нашиот прекрасен остров. Уверени сме дека оваа нова соработка ќе има значително влијание за нашата туристичка индустрија“, вели Џорџ Минас, директор за развој на пазарот од Одделот за меѓународни односи на Кипар, од Министерство за туризам, изјави дека овој нов лет ќе ја промени играта за кипарскиот туризам.

Елизабета Кочева Јосифовска, претставничка на туристичките агенции ЈК Травел, Аталантис Груп, ЕТЦ травел, Магелан, Ваикики Травел, вели дека ова е нов развој во туристичката понуда.

„За прв пат вклучивме седум ноќевања и осумдневна пакет летен одмор во висина од 588 евра по лице до Кипар со наша сопствена чартер програма. Нашиот лет ќе поаѓа еднаш неделно, почнувајќи од 20 јуни 2023 година. Уверени сме дека овој нов Чартер лет на патниците ќе им понуди неверојатна можност да ја истражат убавината на Кипар“, рече Кочева Јосифовска.