Од 15 мај Хрватска и Србија заедно ќе наплатуваат патарина

Владата на Србија потпиша меморандум за интеграција на електронскиот систем за наплата меѓу Србија и Босна и Херцеговина, а слични договори со Хрватска, Црна Гора и Грција се очекува да бидат спроведени до јуни, изјави српскиот министер за градежништво, транспорт и инфраструктура Горан Весиќ. објави во четврток.
Со Хрватска имаше технички потешкотии и беше најавено дека до крајот на минатата година ќе се воспостави заедничка електронска наплата, но и тоа во меѓувреме е решено.

Возачите од Србија и од соседните земји без чекање ќе минуваат низ наплатните пунктови во двете земји. Со други зборови, секој што има српски ТАГ ќе може без проблем да помине низ рампите на автопатите во Хрватска, а оние што имаат хрватски ТАГ ќе можат без чекање да поминуваат низ наплатните станици во Србија, што ќе биде значајно во текот на туристичката сезона при чекање и на граничните премини и наплатните пунктови.