ОБСЕ донира опрема за Единицата за службени кучиња при МВР

Шефот на мисијата на ОБСЕ во Скопје, амбасадорот Клеменс Која денеска во Министерството за внатрешни работи му предаде донација од возила на министерот за внатрешни работи Оливер Спасовски.

-Опремата е наменета за Единицата за службени кучиња при МВР. Донацијата е дел од заеднички проект на ОБСЕ и МВР, насловен „Обезбедување поддршка на националните власти на Република Македонија во намалување на ризикот од пролиферација на оружје и злоупотреба на мало и лесно оружје”, соопшти Министерството за внатрешни работи.

Донацијата во вкупна вредност од 236 илјади евра, е во контекст на реализација на уште еден значаен заеднички проект за „Поддршка на националните власти на Република Северна Македонија во намалување на ризикот од пролиферација на оружје и злоупотреба на мало и лесно оружје“.

Министерот Спасовски информираше дека во рамки на имплементирање на сите критериуми и стандарди на модерно полициско функционирање и работење, со мисијата на ОБСЕ во Република Северна Македонија е потпишан Договор за донација на 14 возила за потребите на Единицата за службени кучиња.

– Овој проект, што е суштински битен за проблематиката што ја опфаќа контролата на малото и лесно оружје и муниција, има за цел да ги зајакне капацитетите на Министерството, но паралелно со тоа и да се етаблираат нови знаења, вештини и практики во насока на зголемување на професионално-оперативните стандарди. Се разбира, крајната цел е натамошно зголемување на нивото на безбедност на граѓаните преку поквалитетна контрола на малото и лесно оружје и муниција, рече меѓу другото Спасовски.

Предвидено е проектот, што веќе етапно се реализира од март годинава, целосно да биде имплементиран до 2023 година.

Фото: Б. ГрданоскиШефот на мисијата на ОБСЕ во Скопје, амбасадорот Клеменс Која, во оваа прилика нагласи дека изминатите неколку децениии Балканот се соочува со феноменот на пролиферација на мало и лесно оружје.

Целта на овој проект, како што исткна, е да ги поддржи напорите на земјата за спроведување на меѓународните обврските на терен за спречување и борба против пролиферација на мало и лесно оружје и со тоа да придонесе за безбедноста и стабилноста на земјата и на регионот.

Според амбасадорот Која, приоритети на проектот се подобрување на координацијата и механизмите за меѓуагенциска соработка и градење на капацитетите на Единицата за службени кучиња.

Тој информира дека донатори на оваа помош се САД, Германија и Франција.

Амбасадорот Која истакна дека заеднички се работи на решавање на недостатокот на мехнизми за меѓуинституционална и прекугранична соработка и координација, што се неопходни, подвлече, за спречување и борба против недозволената трговија со мало и лесно оружје.

– Краткорочно овој проект ќе помогне да се зајакнат капацитетите за регулаторна, оперативна и меѓуагенциска соработка на МВР за борба против пролиферација на мало и лесно оруижје и злоупотреба на огнено оружје, како и капацитетите за подобрување на инфраструктурата и работата на МВР, изјави амбасадорот Која.