Обилниот појадок овозможува двојно повеќе потрошувачка на калории

Обилен појадок наместо обилна вечера може да ја спречи дебелината и покаченото ниво на шеќер во крвта, покажуваат резултатите од неодамна завршеното истражување на „The Journal of Clinical Endocrinology & Metabolism“.

Студијата била спроведена на 16 мажи кои консумирале нискокалоричен појадок и висококалорична вечера, а во втората фаза од студијата го направиле обратното.

Авторот на студијата д-р Јулијан Рихтер од Универзитетот во Лубек во Германија ги објасни резултатите од студијата.

„Резултатите покажуваат дека оброкот што се јаде за време на појадокот, без оглед на количината на калории што ги содржи, произведува двојно повеќе термогенеза предизвикана од храната отколку истиот оброк што се јаде за време на вечерата“, рече таа.

Покрај два и пол пати побрзото консумирање калории кај луѓето кои консумираат висококалоричен појадок и нискокалорична вечера, зголемувањето на шеќерот во крвта и концентрациите на инсулин предизвикано од храна се намалени по појадокот во споредба со вечерата.

Резултатите исто така откриле поврзаност помеѓу консумирањето нискокалоричен појадок и зголемениот апетит подоцна во текот на денот, особено желбата за слатки.