Обединетата левица ја предложи малку познатата Луси Кастет за премиер на Франција
![](https://nezavisen.mk/wp-content/uploads/2024/07/Луси-Кастет.jpg)
Сојузот на левичарските партии, што постигна шокантна победа на предвремените парламентарни избори во Франција претходно овој месец, се согласи да ја номинира малку познатата Луси Кастет за свој кандидат за следен премиер на земјата.
Кастет, директор за финансирање и купување на градот Париз, беше предложена од пан-левичарската коалиција Нов народен фронт (НФП) во вторникот по неколкунеделните внатрешни борби околу тоа кој треба да ја води следната влада на Франција.
НФП помина неколку недели ценкајќи се околу кандидатите, при што беа отфрлени претходно предложените имиња како екстремниот левичар Жан-Лук Меланшон и компромисните предлози како Хугет Бело.
Кастет дипломирала на истиот престижен универзитет – École National d’administration со седиште во Париз – како претседателот Емануел Макрон, но сличностите завршуваат тука. Можниот следен премиер е активистка која поминала голем дел од својот живот работејќи да ги брани француските јавни служби од дефинансирање. Таа исто така има завршено и на Sciences Po и Лондонската школа по економија.
Претседателот Емануел Макрон вечерва рече дека ќе ја задржи центристичката техничка влада во земјата до крајот на Олимписките игри во средината на август за да избегне неред.
Неговата објава во ТВ интервју дојде набргу откако левичарската коалиција соопшти дека Луси Кастет е нејзин избор за премиер.
Макрон рече дека сегашната преодна влада „ќе се занимава со тековните работи за време на Олимпијадата“, која завршува на 11 август. „До средината на август, не сме во позиција да можеме да ги промениме работите бидејќи тоа би предизвикало неред“, рече тој.
Нема цврста временска рамка за тоа кога Макрон мора да именува нов премиер. Парламентарните избори го оставија Националното собрание без доминантен политички блок на власт за прв пат во модерната република во Франција.
Макрон, кој има претседателски мандат до 2027 година, го има крајниот збор за тоа кој ќе биде назначен за премиер. Сепак, на премиерот ќе му треба поддршка од мнозинството пратеници за да избегне гласање за недоверба.