Новороденче на ГАК го добило вирусот од мајката
На Клиниката на гинекологија се појави прв случај каде се родило новороденче позитивно на коронавирусот, пренесува Телма.
Бебето и мајката се со добра клиничка слика, немаат симптоми на Ковид-19 и денес ќе бидат испишани од Клиниката по што ќе останат во домашна изолација.
Кај бебето сите три теста биле позитивни, додека кај мајката првиот тест бил двојбен – позитивен само на еден од двата антигена, вториот негативен, а третиот позитивен.
Министерот за здравство Венко Филипче ја потврди информацијата, но кажа дека ќе биде направен уште еден тест за да се потврдат сомнежите.
Доколку и тој биде позитивен, ова би било прв случај на вертикална трансмисија на вирусот од мајка, што до сега не беше докажано дека постои.