Ново пукање во САД, убиени осум лица во трговски центар во Тексас

Осум лица загинаа во пукање во трговски центар во близина на Далас, а седум жртви се лекуваат во установи за траума, соопштија властите во саботата навечер. Вооружениот напаѓач, за кој властите веруваат дека дејствувал сам, исто така е мртов.

Ален, Тексас, началникот на пожарникарите Џонатан Бојд изјави дека најмалку девет лица се испратени во болници. „Од оние што ги транспортиравме, двајца оттогаш починаа. Тројца се во критична операција, а четворица се стабилни“, рече Бојд.

Се трага по втор вооружен маж, според извор, но полицијата сега вели дека верува дека пукачот дејствувал сам. Полицијата соопшти дека офицер го убил стрелецот.

Видеото од над местото на настанот покажува стотици купувачи како излегуваат од областа, многумина држејќи ги рацете горе. На снимките од воздух се појавија најмалку три тела покриени со чаршафи надвор од трговскиот центар.

Шефот на полицијата на местото Ален, Брајан Харви, опиша како стрелецот бил убиен. „Еден од нашите офицери беше на неповрзан повик во трговскиот центар“, рече Харви. „Тој слушнал истрели, отисе кон истрелите, се вклучи во ситуацијата и го неутрализираше осомничениот“.

Очевидци изјавија за Си-Ен-Ен дека го виделе напаѓачот кој бил облечен целосно во црно и носел тактичка опрема.

Нападот е еден од најмалку 199 масовни престрелки оваа година во Соединетите Држави, со застрелани четири или повеќе лица, со исклучок на напаѓачпт, според Архивата за огнено насилство.

Гувернерот Грег Абот го нарече нападот „неискажлива трагедија“, велејќи во изјавата дека „нашите срца се со луѓето од Ален, Тексас“.