Ново пребројување на неважечките ливчиња во Истанбул

Регионалната изборна комисија на Истанбул вечерва донесе одлука за одново пребројување на сите неважечки гласачки ливчиња од изборите за истанбулски градоначалник, што се одржаа во неделата.

Денешната одлука уследи откако по пребројувањето на гласачките ливчиња во 38 изборни окрузи, предноста на кандидатот на опозициската Републиканска народна партија (ЦХП), Екрем Имамоглу пред поранешниот премиер Бинали Јилдирим од владејачката Партија на правдата и развојот (АКП) се намали од речиси 28.000 на над 19.500 гласови.

Според првичните неофицијални резултати од изборите објавени во понеделникот, Имамоглу освои 4.159.650 гласови, а Јилдирим – 4.131.761 глас.