Нови плажи се уредуваат на Дојранското езеро

29/07/2019 10:36
Во Дојран со засилено темпо се изведуваат работите за санација на оштетениот дел од крајбрежјето на Дојранското езеро каде на потегот од плажата ЕЛЕМ до „Стара Мрдаја“, се уредуваат нови плажи и разурнатиот дел од рекреативната патека.

Се работи на расчистување на теренот,чистење на езерото и рамнење и отворање на просторот за новите плажи кои треба да бидат готови за неколку дена.

На забелешката на граѓаните и присутните гости зошто се гради во време на туристичка сезона,градоначалникот Анго Ангов одговори дека темпото на работа го диктираат средствата.

–Општината ги немаше на располагање потребните средства за изведување на активностите.Веднаш штом пристигнаа почнаа работите на терен кои ќе завршат во договорениот термин и за време на Илинденскиот викенд Дојран ќе биде побогат со нови плажи во должина од околу 350 метри крајбрежна линија,рече Ангов.

Реализацијата на проектот чини 5 милиони денари од кои 4,5 милиони денари обезбеди Центарот за развој на Југоисточниот плански регион,а околу половина милион денари општината Дојран. 

Поврзани содржини

ДЗР: Од 2020 до 2023 во државава вкупно 31.176 сообраќајки, 15.724 со потешки последици, загинале 457 лица
Документи се чуваат во руинирани депоа – потребен е нов објект за тетовското одделение на Државен архив
Отворен хаб за собирање и селекција на пластичен отпад во рамки на проектот „Рециклиран филамент за 3Д принтање“
Без струја делови од Центар, Аеродром, Сарај и Бутел
Панел дискусија по повод Меѓународниот ден на семејството
Променливо облачно со сончеви периоди, кон крај на денот локални врнежи од дожд
Во болницата во Кочани има нова хипербарна комора, нема кој да ја стави во функција
Семејството на Фросина бара дисциплинска постапка за судијката

Најчитани