Новак и Јелена Ѓоковиќ негативни на коронавирус

Србија– Најдобриот тенисер на светот Новак Ѓоковиќ и неговата сопруга Јелена се негативни на коронавирус. Како што се соопштува од ПР тимот на тенисерот, тоа го покажале резултатите од ПЦР тестот направен во Белград.

Двојката не чувствувала симптоми на вирусот, а тестот го направиле по консултација со докторите.

Изминатите 10 дена, по враќањето од Задар и „Адрија тур“  времето го минале во самоизолација, следејќи ги сите протоколи и безбедносни мерки во  врска со Ковид-19.

Светскиот рекет број еден во тенисот, кој деновиве донираше 50 илјади евра за болницата во Нови Пазар, би можел да се најде во сериозна неволја поради организацијата на „Адрија Тур“.

Според швајцарскиот весник „Блик“, против Новак може да се поднесе тужба за индиректно нанесување штета на луѓето.

– Доколку се утврди дека биле оштетени луѓе затоа што правилата за хигиена очигледно не биле запазени на „Адрија тур“, на Ѓоковиќ му се заканува тужба како ко-организатор, пишува весникот.

Во Белград и Задар, Новак одржа два турнира со публика без потребното растојание на трибините.

Во српската престолнина, тој ги собра своите гости во ноќен клуб на бурна забава.

Бугаринот Григор Григор прв објави дека е заразен. Потоа се огласи Хрватот Борна Чориќ, тренерот на Димитров, Крис Гро, физиотерапевтите на Григор и Новак, какои Виктор Троицки и неговата бремена сопруга Александра, а на крај и самиот Ѓоковиќ и неговата сопруга Јелена беа дијагностицирани со коронавирус.