Нов Зеланд: Се вакцинирал 10 пати во еден ден, се сомневаат дека му платиле

Здравствените власти на Нов Зеланд покренаа истрага откако маж наводно се вакцинирал против Ковид-19 10 пати во еден ден, јавија локалните медиуми.

Се смета дека на мажот му било платено за да се вакцинира за други луѓе, објави порталот Стаф.

Новозеландското министерство за здравство ја сфати оваа ситуација сериозно, вели за Стаф водителката на програмата за вакцини и имунизација против Ковид-19, Астрид Корнеф.

„Многу сме загрижени поради оваа ситуација и работиме со надлежните агенции“, вели таа.

„Неточен статус на вакцинација не не згрозува само нас, туку и иднината и вашите пријатели, роднините и заедницата, како и здравствените екипи, кои сега ве лекуваат“, додава таа.

На Нов Зеланд не мора да се идентификувате кога одите да се вакцинирате.

Многу компании и објекти во земјата ја користат домашната потврда за вакцинација која им допушта пристап на места само за потполно вакцинирани.

Околу 89 отсто од жителите на Нов Зеланд се вакцинирани. Со популација од 5 милиони, земјата пријави околу 12.500 случаи со Ковид-19 и 46 смртни случаи од почетокот на пандемијата.