Нов негативен рекорд во Германија- речиси 30.000 новозаболени од корона вирус во еден ден

Продолжува зголемувањето на бројот на заболени од корона вирус во Германија, а институтот „Роберт Кох“ денеска соопшти нови, алармантни податоци за бројот на новозаболени –  29.875, што е најголем број на заразени во еден ден од почетокот на пандемијата, јавуваат британските медиуми.

Во споредба со четвртокот наутро „Роберт Кох“ соопшти дека има 23.679 новоинфицирани лица, што значи дека денеска оваа бројка е зголемена за 6.106, додека 598 пациенти умреле  од Ковид-19 во последните 24 часа.

Вкупниот број на лица заразени со корона вирус во Германија сега изнесува 1.272.078, додека умреа  20.970 лица, покажуваат податоците на институтот „Роберт Кох“.